* બધા હાસ્યલેખકો બ્રાહ્મણ જ કેમ ?
– ફરિયાદ કરો છો કે અભિનંદન અાપો છો ?
(ડૉ. દિલીપ ભાયાણી, સુરત)
*શિક્ષક બનવા માટે શું દ્રોણાચાર્યને પણ બી. અેડ. કરવું પડ્યું હશે?
– ના. અે તો ભણવામાં હોંશિયાર હતા.
( ઊર્મિ જોશી, વિધોન – નખત્રાણા )
* સ્ત્રીઓ પોતાની ઉંમર ઓછી કેમ બતાવે છે ?
– ફરિયાદ કરો છો કે અભિનંદન અાપો છો ?
(ડૉ. દિલીપ ભાયાણી, સુરત)
*શિક્ષક બનવા માટે શું દ્રોણાચાર્યને પણ બી. અેડ. કરવું પડ્યું હશે?
– ના. અે તો ભણવામાં હોંશિયાર હતા.
( ઊર્મિ જોશી, વિધોન – નખત્રાણા )
* સ્ત્રીઓ પોતાની ઉંમર ઓછી કેમ બતાવે છે ?
- રોજ રોજ તો માણસ કેટલું જુઠ્ઠું બોલે ?
(અફરોઝ મીરાણી, મહુવા)
* તમારૂં અમેરિકામાં કોઇ સ્થાયી રોકાણ ખરૂં કે ફક્ત વ્હાઈટ હાઉસમાં જ રહો છો ?
- હાઉસોને રંગ સાથે મતલબ નથી...ભાડાં સાથે છે. એ હિસાબે અત્યારે હું 'બ્લૅક હાઉસ'માં રહું છું.
(શર્વ કોઠારી, અમદાવાદ)
* તમને કોઇએ 'ઍપ્રિલ ફૂલ' બનાવેલાં ?
- કૌન માઇ કા લાલ હૈ જો એક...ફૂલ કો ફિર સે ફૂલ બનાયેં ?
(વ્યોમિકા દેવધરા, વાપી)
* શાયરો દરેક પંક્તિ બે વાર કેમ બોલતા હોય છે ?
- દોઢ કલાકનો મુશાયરો ત્રણ કલાક ચલાવવાનો હોય છે, માટે !
(મધુકર માંકડ, જામનગર)
* લગ્નની પહેલી વર્ષગાંઠે પત્નીને ખુશ કરવા શું કરવું જોઇએ ?
- હિમ્મત હોય ત્યાં સુધી જુઠ્ઠું બોલવું જોઇએ...(આઇ મીન, મનમાં હોય, એ બધું બોલી નહિ નાંખવાનું !)
(વૈભવ અંધારીયા, ભાવનગર)
* ફિલ્મ 'બસંત'ના ગીતમાં 'મેરે લહેંગે મેં ઘુંઘરૂ બંધા દે, તો ફિર મેરી ચાલ દેખ લે...' અને દિલીપ કુમારે ગાયું હતું, 'મેરે પૈરોં મેં ઘુંઘરૂં બંધા દે...' તો બોલો, ઘુંઘરૂં ક્યાં લગાવવા ?
- મને આખા શરીરે ક્યાંય ઘુંઘરૂ પહેરવાનો અનુભવ નથી. કોક જાણકાર પાસેથી શીખી લેશો.
(બાલેન્દુ વૈદ્ય, વડોદરા)
* તમને અંગ્રેજી ફિલ્મો જોવી ગમે ખરી ?
- મારી સાથે કોણ ફિલ્મ જોવા બેઠું છે, એના ઉપર આધાર છે.
(પ્રતિક અંતાણી, ભાવનગર)
* બન્ને ફિલ્મો 'ડૉન'માં હૅલન અને કરીના કપૂરમાં કોનો ડાન્સ ચઢે ?
- તમે મુંબઇના છો. મલબાર હિલ અને ધારાવી વચ્ચેનો તફાવત મારે કહેવો પડે ?
(દિલીપ પટેલ, મુંબઇ)
* અશોક દવે અને સમ્રાટ અશોક વચ્ચે નામ સિવાય કોઇ સમાનતા ખરી ?
- ખરી. અમે બન્ને સમ્રાટની જેમ જીવ્યા છીએ.
(મહેન્દ્ર રણા, અંકલેશ્વર)
* તમારા મતે આઇપીઍલની બેસ્ટ ટીમ કઇ ?
- જીતી જાય એ.
(નીલેશ પઢીયાર, બોરસદ)
* યોગની માફક 'ઇન્ટરનૅશનલ ઍનકાઉન્ટર દિવસ' ક્યારે ઉજવાશે ?
- હાલમાં તાલુકા કક્ષાએ પ્રયાસો ચાલે છે.
(હસમુખ રાવલ, અમદાવાદ)
* પહેલા લગ્ન વખતે તમને કેવો અનુભવ થયો હતો ?
- એ જ કે...કેટલા આશાસ્પદો મારા સાળા બનતા રહી ગયા !
(રમિત જાદવ, વિજાપડી-અમરેલી)
* મારી જેમ હજારો વાચકો ફક્ત 'ઍનકાઉન્ટર' વાંચવા જ રવિવારનું છાપું મંગાવે છે, તો એમના કલ્યાણ ખાતર અમને રવિવારનું છાપું ડિસકાઉન્ટમાં કે ફ્રી ન કરાવી શકો ?
- દર અઠવાડીયે મને પોરબંદર આવવા - જવાનું ફ્રી કરી આપો....!
(જયદીપ ગરેજા, પોરબંદર)
* પંખો ધૂળ ઉડાડે, છતાં ધૂળ પંખાને જ કેમ લાગે ?
- ધૂળને મેલું થવું નથી હોતું, માટે.
(પાર્થ પટેલ, અમરોલી-સુરત)
* પૂર્વ પત્ની અને હાલની પત્ની-બન્ને સાથે લિફટમાં બંધ થઇ જઇએ, તો શું કરવું જોઇએ?
- 'હું હવે ત્રીજા લગ્ન કરવાનો છું,' એટલું કહીને બન્નેને 'જે શી ક્રસ્ણ' કરવા જોઇએ.
(ચિંતન પી. વ્યાસ, ધોરાજી)
* શું વ્યક્તિના લક્ષણ ઉપરથી તેના વ્યક્તિત્વની ઓળખાણ થાય ?
- ઓળખાણ થયા પછી લખ્ખણોની ખબર પડે.
(મેહૂલ કે. જોશી, ભરૂચ)
* તમે મૅરેજ-બ્યૂરો કેમ ચાલુ કરતા નથી ?
- આપણાથી કોઇને સુખી ન કરી શકાય તો વાંધો નહિ... કોઇના છોડાં કાઢી નાંખવા ન જોઇએ!
(જેમીશ ચોવટીયા, સુરત)
* દ્રૌપદીને પાંચ પતિ હતા, છતાં એ સતી કેમ કહેવાઇ ?
- આપણે સતી સીતાનો દાખલો લેવાનો.
(સોનલ ભાવસાર, નવસારી)
* સાચું સુખ ભટકવામાં છે કે અટકવામાં ?
- શહેર ગાંધીનગર હોય તો... ભટકવામાં !
(રાજેશ પટેલ, ગાંધીનગર)
* લાલુ યાદવ દેશના વડાપ્રધાન હોવા જોઇએ કે નહિ ?
- આવો સવાલ વાંચ્યા પછી તો તમે ય વડાપ્રધાન હો તો શું ફરક પડે ?
(હિમાંશુ ચાવડા, રામકુવાભંકોડા)
* તમારી સૅન્સ ઑફ હ્યુમર આટલી સરસ છે, તો તમે 'ગુજરાત સમાચાર'ની ટીવી-ચૅનલ પર 'ઍનકાઉન્ટર વિથ અશોક દવે' કેમ ચાલુ કરતા નથી ?
- એ લોકોને હ્યૂમર શું છે, એની ખબર પડે છે માટે....!
(હર્ષદ દેસાઇ, અમદાવાદ)
* તમને હજી સુધી તો ડિમ્પલ મળી લાગતી નથી. તેને બદલે તમને 'ડિમ્પલ સ્કૉચ વ્હિસ્કી' આપીએ, તો ચાલે ?
- તમે બૉટલ ખાલી આપવાના છો કે ભરેલી, એ નથી લખ્યું...બાકી ડિમ્પલ તો ધાંયધાંય ભરેલી છે.
(નૈમેષ સિધ્ધપુરા, મૅલબૉર્ન-ઑસ્ટ્રેલિયા)
* હજારો કી.મી. દૂર રહેલા ગ્રહો માણસનું શું બગાડી શકે ?
- એક પ્રશ્ન પૂછવાના પાંચસોરૂપીયા છે. અમે કોઇ આલતુફાલતુ જ્યોતિષી નથી.
(સતીષ ખેની, સુરત)
* જૂનાગઢનું તાપમાન બહુ વધી જાય છે, તો શું કરવું ?
- ઘટે એની રાહ જોવી.
(નિધિ ભૂત, જૂનાગઢ)
No comments:
Post a Comment