* રાહુલ ગાંધીના એકના એક ભાષણો અંગે શું માનો છો ? એમની પાસે ભાજપ કે મોદી સિવાય બીજો કોઇ સબ્જૅક્ટ
જ નથી ?
- કેટલાકને તો ૬૦ પછી બુદ્ધિ જાય છે...
(વિશ્વા પુરંજય જહા, મુંબઇ)
(વિશ્વા પુરંજય જહા, મુંબઇ)
* તમને બહુ મોટો અફસોસ થયો હોય, એવી કોઈ ક્ષણ આવી છે ખરી ?
- હા. મારે લીધે ઘણાને આવી છે.
(મીતા એમ. વસ્તાણી, રાજકોટ)
(મીતા એમ. વસ્તાણી, રાજકોટ)
* હમણાં હમણાં કેજરીવાલ ટીવી પર દેખાતા કેમ નથી ?
- શું જોયા વિનાના રહી ગયા છો તે ...!
(રણછોડભાઈ પોદીયા, મજેવડી)
(રણછોડભાઈ પોદીયા, મજેવડી)
* કોંગ્રેસ આવશે ખરી ?
- કોઇ કબ્રસ્તાનના ઝાંપે ય એ લોકો આવું પાટીયું
મારી બેઠા હતા, 'કોંગ્રેસ આવે છે...!'
(જયદીપ સુરેખા શાહ, સુરત)
(જયદીપ સુરેખા શાહ, સુરત)
* પાકિસ્તાનની જેમ ચીનને ય ઠમઠોરવાની જરૂર લાગતી
નથી ?
- પાકિસ્તાનને ય ક્યાં ઠમઠોર્યું છે ?
(બાબુભાઈ કે. દવે, અમદાવાદ)
(બાબુભાઈ કે. દવે, અમદાવાદ)
* સુંદર સ્ત્રી કોને કહેવાય ?
- જે આપણને લાગતી હોય એ.
(પરેશ સી. મોદી, વડોદરા)
(પરેશ સી. મોદી, વડોદરા)
* અડવાણીજી હજી 'વૅઇટિંગમાં' જ ....?
- હા...એવી
ઉંમર તો થઇ કહેવાય ! પ્રભુ એમને દીર્ઘાયુ બખ્શે.
(સલમાબાનુ મણિયાર, વિરમગામ)
(સલમાબાનુ મણિયાર, વિરમગામ)
* રાધે મા વિશે શું માનો છો ?
- બીજા
એમને તેડે...ને આપણે જોયે રાખવાનું.
(ગૌતમ આર. પારેખ, સુરત)
(ગૌતમ આર. પારેખ, સુરત)
* સ્ત્રી રિસાય, તેને
મનાવવાનો આનંદ અનોખો હોય છે. શું માનો છો ?
- એવા કામ હજી સુધી કોઇ મને સોંપતું નથી. સોંપે પછી
કાંઇ માનું.
(ભરત ડી.સાંખલા, ડિસા)
(ભરત ડી.સાંખલા, ડિસા)
* ...?
- તમે
માત્ર એક સવાલ પૂછો. આખું પોસ્ટકાર્ડ ભરીને નિબંધો કે તમારી જીવનયાત્રા ન લખો.
પોસ્ટકાર્ડ ફરી શરૂ કરવાનો આ જ એક ખૌફ હતો અને હજી છે કે...વાચકોને ઉગ્રપણે
સમજાવવા છતાં લાંબા લાંબા પોસ્ટકાર્ડ ભરી દે છે. હવે, આ પોસ્ટકાર્ડ પ્રથા ફરી બંધ કરવી કે કેમ, તે અમે વિચારીએ છીએ.
(કૃષ્ણકાંત રાવલ, જામનગર)
(કૃષ્ણકાંત રાવલ, જામનગર)
* પ્રજાને નેતાઓ, સાધુબાવાઓ
કે ફિલ્મોવાળા ક્યાં સુધી ઉલ્લુ બનાવતા રહેશે ?
- તમે
ટીવી ન્યુસવાળાઓનું નામ લખવાનું ભૂલી ગયા...
(જ્યોત્સના પ્રજાપતિ, વાંકાનેર)
(જ્યોત્સના પ્રજાપતિ, વાંકાનેર)
* રસ્તા ઉપર રખડતી ગાયો જોવા મળે છે..ભેંસો કેમ નહિ
?
- મા..ય ગૉડ ! તે તમે ખાસ ભેંસો જોવા લીમડીથી
દાહોદના પ્રવાસો કરો છો ?
(સૈફી લીમડીવાલા, દાહોદ)
(સૈફી લીમડીવાલા, દાહોદ)
* પત્નીઓ પતિને બદલે પર્સને હાથમાં કેમ રાખતી હશે ?
- તો પછી
પગમાં શું રાખવું ?
(દિનેશ આર. જોશી, દહીંસર)
(દિનેશ આર. જોશી, દહીંસર)
* સરેરાશ આતંકવાદીઓ કરતા આપણા સૈનિકો મોટી સંખ્યામાં
શહીદ થાય છે..છતાં આપણે ચૂપ ?
- આપણે
નહિ...સરકાર !
(સરવરખાન ફિરંગી, સુરત)
(સરવરખાન ફિરંગી, સુરત)
* યુગો બદલાઇ જવા છતાં માણસોની દાનત કેમ નથી બદલાતી
?
- આપણે
ત્યાં વેચેલો માલ પાછો લેવામાં આવતો નથી.
(સંધ્યા ડી. પુરોહિત, અમદાવાદ)
(સંધ્યા ડી. પુરોહિત, અમદાવાદ)
* 'ઍનકાઉન્ટર'માં
સવાલ પૂછવા હું ૫૦- પોસ્ટકાર્ડ્સ લઈ આવ્યો...
- બસ.
મહિને એક પોસ્ટકાર્ડ વાપરજો.
(ધીમંતભાઈ નાયક, બારડોલી)
(ધીમંતભાઈ નાયક, બારડોલી)
* જાહેર ફંકશનોમાં તમારી સાથે યુવતીઓ કરતા સ્ત્રીઓ
વધારે ફોટા પડાવે છે, એવું કેમ ?
- તમે
સ્ત્રી છો કે યુવતી...ખબર કેવી રીતે પડે ?
(વૃંદા સૌરભ કપાસી, અમદાવાદ)
(વૃંદા સૌરભ કપાસી, અમદાવાદ)
* ઈસ્લામ ધર્મના ધાર્મિક નેતાઓ હિંદુઓથી દૂર શું
કામ રહે છે ? શું આપણે બધા એક જ પરમેશ્વરના સંતાનો નથી ?
- ભારતમાં હિંદુ કે મુસલમાન જુદા શબ્દો નથી.
બન્નેનો ભેગો મળીને 'હિંદુસ્તાન' શબ્દ
બન્યો છે.
(દિવાન ઈબ્રાહિમશા ઉસ્માનશા, કરજણ)
(દિવાન ઈબ્રાહિમશા ઉસ્માનશા, કરજણ)
* ધાર્મિક બાબાઓથી દેશની જૅલો ભરચક થઇ રહી છે.
તેમના ત્યાં જવાથી ગૂન્હેગારો સુધરી જશે ?
- નહિ
સુધરતા હોય...પણ ત્યાં સુધી દેશમાં કેટલી શાંતિ રહે છે, એ નહિ જોવાનું ?
(મીના નાણાવટી, રાજકોટ)
(મીના નાણાવટી, રાજકોટ)
* મોબાઇલ ન હોય તો શું થાય આ દેશનું ?
- પર્સમાં
મોબાઇલને બદલે સાબુનો લાટો રાખવો..કામ તો સામેવાળાને ધોઇ જ નાંખવાનું છે ને ?
(આમિના, મારીયા, અમદાવાદ)
(આમિના, મારીયા, અમદાવાદ)
* ટીવી- પરના 'રસોઈ શો'માં બહેનો શાકભાજી- મસાલાના ઇંગ્લિશ નામો બોલે
છે..એમને ગુજરાતી નહિ ફાવતું હોય ?
- એ બહેનો
ય શીખ્યા હોય અંગ્રેજી પુસ્તકોમાંથી ને ઘરમાં ગોરધન ગુજરાતી કરી આલે નહિ...
(રમેશ બલસારા, વડોદરા)
(રમેશ બલસારા, વડોદરા)
* અકસ્માત સર્જીને સર્જનહાર ભાગી કેમ જાય છે ?
- એ તમે
જેને ભાગતો જુઓ છો, એ કાળુસિંઘ નથ્થુસિંઘ ડ્રાઇવર હોય છે...તમારો
સર્જનહાર નહિ !
(નૈષધ દેરાશ્રી, જામનગર)
(નૈષધ દેરાશ્રી, જામનગર)
No comments:
Post a Comment