* પિત્ઝા ગોળ હોય છે, પણ એનું
ખોખું ચોરસ કેમ હોય છે ?
- ઓહ...નોકરીના ઇન્ટર્વ્યૂમાં એ લોકો આવા સવાલો
પૂછે છે ?
(અમરીશ દરજી, આણંદ)
(અમરીશ દરજી, આણંદ)
* પબ્લિક-ટૉયલેટ્સમાં લાઇટ હોતી નથી. લોકોએ
અંધારામાં જવાનું ?
- ભ'ઇ, વાત સ્વચ્છતાની થઇ હતી... અંધારાની નહિ !
(પ્રફૂલ દવે, ભાવનગર)
(પ્રફૂલ દવે, ભાવનગર)
* આપણે જેટલા ધાર્મિક છીએ, એટલા ઇમાનદાર કેમ નથી ?
- એ બન્ને ચીજો પબ્લિકને દેખાડવા માટે બની છે, અમલ માટે નહિ !
(વિનેશ ચૌહાણ, ગાંધીનગર)
(વિનેશ ચૌહાણ, ગાંધીનગર)
* આપણાથી મોટાનું સન્માન કેમ કરવું જોઇએ ?
- કરો, પછી
જવાબ આપું.
(ધ્રૂવ બારોટ, હિંમતનગર)
(ધ્રૂવ બારોટ, હિંમતનગર)
* 'મહાભારત'ના
સમયમાં અમિત શાહ હોત તો ?
કુરૂક્ષેત્રના યુધ્ધ વિના હસ્તિનાપુરમાં
યુધિષ્ઠીરની સરકાર બનાવી આપત !
- તમારા વિશ્વાસ ઉપરથી લાગે છે કે, કાશ્મિરને પાકિસ્તાન મુક્ત પણ એ જ કરાવશે!
(દીપક આશરા, ગાંધીનગર)
(દીપક આશરા, ગાંધીનગર)
* 'મોદી પછી કોણ ?' એવું
ભાજપ વિચારશે ખરૂં ?
- અત્યારે તો પાકિસ્તાન વિચારી રહ્યું છે કે, 'સાલું... મોદી પછી મોદી જ છે...!'
(સંદીપ પંડયા, અમદાવાદ)
(સંદીપ પંડયા, અમદાવાદ)
* 'ગુજરાત સમાચાર' ઉત્તમ
છે, માટે તમે લખો છો કે તમે લખો છો માટે ઉત્તમ છે ?
- આ લોકો નબળું કાંઈ ચલાવી લેતા નથી.
(સરફરાઝ શેખ, અમદાવાદ)
(સરફરાઝ શેખ, અમદાવાદ)
* આજકાલ લવ-મેરેજનું પ્રમાણ કેમ વધતું જાય છે ?
- મોટું મન રાખીને ચલાવી લો... પી જાઓ ગુસ્સો !
(હિતેશ સોન્દીગડા, મુંબઇ)
(હિતેશ સોન્દીગડા, મુંબઇ)
* રેણુકા ચૌધરીના હાસ્ય વિશે આપના બે શબ્દો...
- એ જે રીતે હસે છે, એ જ
વૉલ્યૂમમાં રોવાના દિવસો શરૂ થઇ ગયા છે. બસ, ઇ.સ.
૨૦૧૯...!
(ચેતન મેઘાણી, અમદાવાદ)
(ચેતન મેઘાણી, અમદાવાદ)
* દુનિયામાં કોની જરૂરત વધારે છે... માણસોની કે
જાનવરોની ?
- આપ સલામત રહો.
(અલ્પેશ ગુંસાઈ, ભૂજ-કચ્છ)
(અલ્પેશ ગુંસાઈ, ભૂજ-કચ્છ)
* અક્ષયકુમારની ફિલ્મો વિશે આપનો શો અભિપ્રાય છે ?
- 'એન્કાઉન્ટર' વિશે
જેવો એનો, એવો મારો એની ફિલ્મો વિશે.
(વિવેક માલવી, રાજકોટ)
(વિવેક માલવી, રાજકોટ)
* ઇ.સ. ૨૦૧૯ની ચૂંટણી પછી મોદી સામે લડવા બધી
પાર્ટીઓ એક થઇ છે અને બધાને નવો પ્રાઈમ મિનિસ્ટર પોતાનો જોઇએ છે... તમારો મત શું
છે ?
- એમાંના એકે ય ની પાસે બોલવા માટેમોદી સિવાય એક
મુદ્દો જ નથી...દેશ માટે,
પાકિસ્તાન માટે, આતંકવાદ
માટે, મોંઘવારી માટે... ! કમનસીબે, મોદી પાસે ય લાગતો નથી.
(હરૂભાઈ કારીઆ, મુંબઇ)
(હરૂભાઈ કારીઆ, મુંબઇ)
* આ જીંદગીભર તલાટી-મંત્રીનો નોકરો કરવાને બદલે
દેશનો દરેક બેકાર આગામી ચૂંટણીમાં કેમ ઊભો રહેતો નથી ?
- યસ. બધા રાજકીય પક્ષો સીધા થઇ જાય !
(હિતેશ જી. પટેલ, કલોલ)
(હિતેશ જી. પટેલ, કલોલ)
* 'અચ્છેદિન' આનેવાલે
હૈં... રાહ જોવામાં આંખે મોતીયો આવી ગયો... હવે ક્યારે?
- આવા સપના હાલમાં કોંગ્રેસ જોઈ રહી છે.
(નીલેશ પ્રેસવાલા, ભરૂચ)
(નીલેશ પ્રેસવાલા, ભરૂચ)
* ગુમનામીની જીંદગી જીવવા માંગુ છું.. બસ, એક વાર નીરવ મોદીની જેમ લોન મળી જાય !
- મામો મેહૂલ ચોક્સી જેવો છે ?
(આબાદ ડેરૈયા, આણંદ)
(આબાદ ડેરૈયા, આણંદ)
* આજના સમયમાં તમારી દ્રષ્ટિએ સૌથી વધુ પ્રામાણિક
ઍન્કર કોણ છે ?
- અર્ણવ ગોસ્વામી.
(આર્જવ પારેખ, ભાવનગર)
(આર્જવ પારેખ, ભાવનગર)
* કેવા સવાલોને તમે બારોબાર ઊડાડી દો છો ?
- જે વાચકબધા મૅગેઝીનો/છાપાઓમાં ચારે બાજુ ચીતરી
મૂક્તો હોય !
(પ્રકૃતિ શિવ મેહતા, વડોદરા)
(પ્રકૃતિ શિવ મેહતા, વડોદરા)
* પંજાબ નૅશનલ બૅન્ક માટે શું કહેવું છે ?
- એ લઇ ગયા... ને આપણે રહી ગયા !
(ભાવિક એ. શાહ, ગોધરા)
(ભાવિક એ. શાહ, ગોધરા)
* આપણા પૂર્વજો વિશે તમારૂં શું માનવું છે ?
- એ જ કે, આપણા
બન્નેના જુદા જુદા હતા.
(ઉમંગ કંસારા, માધવપુર-ઘેડ)
(ઉમંગ કંસારા, માધવપુર-ઘેડ)
* 'ઍનકાઉન્ટર' પહેલા
પાને કેમ નથી આવતું ?
- સિંહની ઍન્ટ્રી છેલ્લી હોય !
(જય ચુડાસમા, રાણાવાવ)
(જય ચુડાસમા, રાણાવાવ)
* આ ચારે બાજુ શું થઇ રહ્યું છે ? આપણે ક્યાં જઇ રહ્યા છીએ ?
- ડ્રાયવરને પૂછવું પડે.
(પી.એમ.જોશી, નેત્રામલી-ઇડર)
(પી.એમ.જોશી, નેત્રામલી-ઇડર)
* તમે કદી મુહમ્મદ રફીસાહેબને રૂબરૂ મળ્યા છો ?
- એ જ તમન્ના પૂરી ન થઈ...
(કંદર્પ જાની, કૅન્સસ-યુઍસએ)
(કંદર્પ જાની, કૅન્સસ-યુઍસએ)
* આગામી ચૂંટણીઓમાં કોંગ્રેસ નાબુદ થશે તો બીજો કયો
પક્ષ ભાજપ સામે લડશે ?
- શું કામ નાબૂદ થાય ? હસવા માટે કાંઈક તો પાસે રાખો.
(અશોક જોશી, શિરવાડા-કાંકરેજ)
(અશોક જોશી, શિરવાડા-કાંકરેજ)
No comments:
Post a Comment