* તમે 'ફેસબુક' પર છો?
- ના. ફક્ત ચેકબુક ઉપર છું.
(કોમલ ભટ્ટ, ગાંધીનગર)
* કાશ્મીરના પથ્થરબાજોને નાથવા શું કરવું જોઈએ?
- કમનસીબે, સરકાર પાસે ય આનો તો કોઈ જવાબ નથી.
(કવિતા સંજય અંધારીયા, ભાવનગર)
* ૧૦૦- માંથી ૮૦- બેઈમાન, છતાં ભારત મહાન કેમ?
- ૧૦૦- માંથી ૮૦ સારા માણસો છે, એટલે.
(ધાર્મિક ગોકાણી, પોરબંદર)
* જીવનમાં કેટલાક લોકો કદી ય મળતા નથી, છતાં રોજ યાદ આવે છે...
- એટલે જ કહું છું, કોઈને ઉધાર આપવું નહિ.
(હિતેન મોદી, પ્રાંતિજ)
* મારે લગ્ન કરવાં છે, કરાય કે ન કરાય?
- જસદણ આખું ખાલી થઈ ગયું લાગે છે.
(કોળી જયસુખ સરીયા, જસદણ)
* ગુજરાત વ્યસનમુક્ત ક્યારે થશે?
- પહેલાં શૌચમુક્ત તો થવા દો... આઇ મીન, શૌચવાળું કામ તો પતવા દો.
(ચેતન ગોહેલ, બોટાદ)
* 'ઍનકાઉન્ટર'માં જવાબો આપવાનો કંટાળો નથી આવતો?
- એ કંટાળાના સારા પૈસા મળે છે.
(શ્વેતા કૃણાલ દેસાઈ, વલસાડ)
* સાધુ રાજકારણમાં જોડાયા પછી સંત કહેવાય કે નેતા?
- ભારતના અનેક રાજકીય સાધુઓનો ઈતિહાસ ખરડાયેલો છે.
(રાજેન્દ્ર મનજી પઢારીયા, ડૉમ્બિવલી)
* તલત મહેમુદ પછી મખમલી અવાજ કોઈનો આવ્યો?
- જરૂર શું છે?
(પુરંજય જોશીપુરા, અમદાવાદ)
* તમારી 'બાયોપિક' બને તો કેવું લાગે?
- બને ય ખરી, હોં!
(રાકેશ પટેલ, સુરત)
* આજકાલ સવાલોની સંખ્યા બહુ વધી ગઈ નથી લાગતી?
- બીજા શેની સંખ્યા વધારવી છે?
(હમ્ઝા મકવાણા, ભાવનગર)
* ધરમની ગાયના દાંત ન જોવાય તો શું જોવાય?
- ધરમની 'હેમા'ને!
(શ્રીમતી કાજલ પુનિત ભટ્ટ, જૂનાગઢ)
* ભગવાનની ભક્તિ કેવળ સ્વાર્થ અને ડરને કારણે જ થાય
છે ને?
- ભક્તિ એ ભક્તિ છે... ચાહે કોઈ પણ કારણથી થતી હોય.
(દીપક એમ. પંડયા, નવસારી)
* હું તો ગરમીમાં ચાદર ભીની કરી, ઉપર પંખો ચાલુ કરીને સૂઉં છું... તમે?
- કોઈનાં સૂતા પછીનાં રહસ્યો ન પુછાય!
(રહીમ મલકાણી, ભાવનગર)
* મૅક્સિમમ કેટલા સવાલો પૂછી શકાય?
- મહિને એક જ સવાલ પૂછવો જોઈએ.
(કુંજન જોશી, અમદાવાદ)
* હાલનો ટ્રાફિક જોઈને એમ થાય છે કે, ભલ્લાલદેવનો રથ લઈને રોડ ઉપર નીકળવું જોઈએ...
- યૂ મીન... નેતાઓની ગાડીઓ કરતાં ય એ રથ ચઢે?
(હાર્દિક ડબગર, મેહસાણા)
* કાયમ સુખી રહેવા શું કરું?
- સુખની તો ખબર નથી, પણ કાયમ સંતોષી રહેવું હોય તો મા- બાપને પ્રેમ કરો.
(નીલેશ શાહ, મુંબઈ)
* તમે દીવ કોઈ શરાબીઓ સાથે ગયા છો?
- મારી સાથે દીવ ઘણા આવે છે.
(યશ વ્યાસ, જૂનાગઢ)
* સાસરે જતી પત્ની રડે છે કેમ?
- બારણામાં આંગળી ભરાઈ ગઈ હોય...
(ડેનિસ નાકરાણી, જૂનાગઢ)
* તમે 'બુધવારની બપોરે' કોની મદદથી લખો છો?
- માના આશીર્વાદથી.
(ડૉ. મહેન્દ્ર મૈસુરીયા, અમદાવાદ)
* તમે વડાપ્રધાન બનો તો પહેલું કામ કયું કરો?
- અડધી બાંયના બે- ત્રણ હજાર ઝભ્ભા સિવડાવી લઉં.
(યોગેશ મસોત, મોરબી)
* આપણા મુખ્યમંત્રી મ્યુનિસિપાલિટી ક્યાં દરોડા પાડે
તો વિશ્વપ્રસિધ્ધ થઈ જાય?
- મુખ્યમંત્રી રહે છે, એ વિસ્તારના રસ્તાઓ ઉપર ખાડા- ટેકરા થઈ જાય, એવું કાંઈ શુભ શુભ બોલો!
(ચિરાગ સુએરા, મેઘરજ)
* વટસાવિત્રીમાં પત્નીઓએ દોરા ક્યાં વીંટવા જોઈએ? વડને કે વરને?
- વો વાઈફ હી ક્યા... જો અપને ગોરધન કો બાંધ કે રખ ન
સકે?
(બાલેન્દુ વૈદ્ય, વડોદરા)
* આ વખતે ડિમ્પલ કાપડિયાને બર્થ- ડે ગિફ્ટ શું આપી?
- અમારામાં કહેવાય નહિ!
(મનોજ પંચાલ, મુંબઇ) અને (સ્મિત આચાર્ય, અમદાવાદ)
* કપિલ શર્માનો શૉ તમને કેવો લાગે છે?
- ખૂબ ગમે છે. બસ, પુરુષો સ્ત્રીનાં કપડાં પહેરીને આવે તે કઢંગું લાગે
છે.
(અંકિતા કાનાણી, ધ્રોળ)
* આપણો દેશ પ્રજાસત્તાક હોવા છતાં હજી વિકાસશીલ જ
કેમ છે?
- આપણી આજુબાજુના બધા અવિકસિત દેશોને સંભાળવાના છે, માટે.
(ધ્રૂવિત ચાવડા, જૂનાગઢ)
(કોમલ ભટ્ટ, ગાંધીનગર)
(કવિતા સંજય અંધારીયા, ભાવનગર)
(ધાર્મિક ગોકાણી, પોરબંદર)
(હિતેન મોદી, પ્રાંતિજ)
(કોળી જયસુખ સરીયા, જસદણ)
(ચેતન ગોહેલ, બોટાદ)
(શ્વેતા કૃણાલ દેસાઈ, વલસાડ)
(રાજેન્દ્ર મનજી પઢારીયા, ડૉમ્બિવલી)
(પુરંજય જોશીપુરા, અમદાવાદ)
(રાકેશ પટેલ, સુરત)
(હમ્ઝા મકવાણા, ભાવનગર)
(શ્રીમતી કાજલ પુનિત ભટ્ટ, જૂનાગઢ)
(દીપક એમ. પંડયા, નવસારી)
(રહીમ મલકાણી, ભાવનગર)
(કુંજન જોશી, અમદાવાદ)
(હાર્દિક ડબગર, મેહસાણા)
(નીલેશ શાહ, મુંબઈ)
(યશ વ્યાસ, જૂનાગઢ)
(ડેનિસ નાકરાણી, જૂનાગઢ)
(ડૉ. મહેન્દ્ર મૈસુરીયા, અમદાવાદ)
(યોગેશ મસોત, મોરબી)
(ચિરાગ સુએરા, મેઘરજ)
(બાલેન્દુ વૈદ્ય, વડોદરા)
(મનોજ પંચાલ, મુંબઇ) અને (સ્મિત આચાર્ય, અમદાવાદ)
(અંકિતા કાનાણી, ધ્રોળ)
(ધ્રૂવિત ચાવડા, જૂનાગઢ)
No comments:
Post a Comment