* તમને હાસ્યલેખોની પ્રેરણા ક્યાંથી મળે છે?
- હમણાં ઘણા વખતથી પ્રેરણા મળી નથી... મળે તો છૂટક
છૂટક મળે!
(અશોક દિ. જોશી, વડોદરા)
(અશોક દિ. જોશી, વડોદરા)
* જનરલ નૉલેજનાં પુસ્તકોનું વેચાણ આટલું બધું શાથી?
- મેં તપાસી જોયું. આ માહિતી જનરલ નૉલેજના એકે ય
પુસ્તકમાં ન મળી.
(રીયા પી. જોષી, તલોદ)
(રીયા પી. જોષી, તલોદ)
* માની લો કે, નરેન્દ્ર
મોદી 'ઍનકાઉન્ટર'માં
સવાલ તો પૂછે, પણ સરનામું ફોન નં. લખવાનું ભૂલી જાય તો એમને ય
જવાબ ન મળે?
- એ પૂછે ત્યારે હું મારું નામ- સરનામું ય ભૂલી જઉં
છું.
(ખુશ્બુ માલવ મારૂ, રાજકોટ)
(ખુશ્બુ માલવ મારૂ, રાજકોટ)
* મારો દોસ્ત મલયાલમ ભાષામાં સવાલ પૂછવા માંગે છે.
પૂછી શકે?
- ગુજરાતીમાં તોતડાય છે...?
(વંદિત નાણાવટી, રાજકોટ)
(વંદિત નાણાવટી, રાજકોટ)
* આટલી ગરમીમાં લાઇટો જાય તો પંખો ચાલુ કરવા તમે
શું કરો?
- બધા ગુજરાતીઓની જેમ બેવકૂફ સવાલ પૂછું, ''આપણા એકલાની ગઇ છે કે બધે..??''
(અલી અસગર, સાઇગર, માંડવી- કચ્છ)
(અલી અસગર, સાઇગર, માંડવી- કચ્છ)
* જન્મદાતા મા- બાપને અગ્નિસંસ્કાર પુત્ર દ્વારા જ
કેમ આપવામાં આવે છે?
- બીજા બધાને તો કામધંધા હોય કે નહિ?
(શાહ ઓચ્છવલાલ મૂળજીભાઈ, કરીઆવી)
(શાહ ઓચ્છવલાલ મૂળજીભાઈ, કરીઆવી)
* મોદીએ મોંઘવારી
ઘટાડવાનું વચન આપ્યું હતું,
તે ઘટતી કેમ નથી?
- તમે રાહુલજીના સગામાં થાઓ છો?
(કામિની પરમાર, ગલતેશ્વર)
(કામિની પરમાર, ગલતેશ્વર)
* સોહરાબ મોદી અને નરેન્દ્ર મોદીમાં કોઈ સમાનતા ખરી?
- અશોક કુમાર અને અશોક દવે જેટલી.
(સી.કે. પટેલ, રાજકોટ)
(સી.કે. પટેલ, રાજકોટ)
* ગુજરાતની દારૂબંધી અંગે શું માનો છો?
- દારૂબંધી ખાતાના પ્રધાનશ્રીને હું પિતાતુલ્ય ગણું
છું.
(યશપાલસિંહ વાઘેલા, થરા- કાંકરેજ)
(યશપાલસિંહ વાઘેલા, થરા- કાંકરેજ)
* શું બળાત્કારની પ્રેરણા ફિલ્મોને લીધે મળે છે?
- ફિલ્મો તો હું ને તમે ય જોઇએ છીએ...!
(હસમુખ વેદલીયા, ડીસા)
(હસમુખ વેદલીયા, ડીસા)
* સારી કન્યાને સુકન્યા કહેવાય તો સારા વરને શું
કહેવાય?
- તમે સુવર છો?
(રોહિત બી. જોશી, ખંભાત)
(રોહિત બી. જોશી, ખંભાત)
* સલમાન ખાન કેસમાં ભીનું સંકેલાયું?
- એણે દેશ માટે ઉપયોગી કામો ય ઘણાં કર્યાં છે.
(વિસનજી ઠક્કર, મુંબઈ)
(વિસનજી ઠક્કર, મુંબઈ)
* રાહુલબાબાને નરેન્દ્ર મોદી ઉપરાંત કંઈ આવડે છે?
- ઉપરાંત તો શીખવા જેવું ય શું છે? એટલું શીખે તો ય કાફી છે.
(ડૉ. દિનેશ પાઠક, અમદાવાદ)
(ડૉ. દિનેશ પાઠક, અમદાવાદ)
* બબિતાજી અને જેઠાલાલ પોતાના પ્રેમનો એકરાર ક્યારે
કરશે?
- પોપટલાલ પરણશે ત્યારે.
(મહેશ એમ. મહેરીયા, અમદાવાદ)
(મહેશ એમ. મહેરીયા, અમદાવાદ)
* શું આપના ઍકાઉન્ટમાં રૂ. ૧૫- લાખ જમા થયા?
- કોઈના બેન્ક એકાઉન્ટ વિશે કદી પુછાય નહિ.
(ભાવુભા ઝાલા, ભાવનગર)
(ભાવુભા ઝાલા, ભાવનગર)
* હું પૉસ્ટમેન છું. આવી કાળઝાળ ગરમીમાં 'કૂલ' રહેવાનો
કોઈ ઉપાય?
- લોકોને કહી દો, ટપાલ
તમારા ઘેર આવીને લઈ જાય.
(લખમણ પંપાણીયા, લોઢવા- ગીરસોમનાથ)
(લખમણ પંપાણીયા, લોઢવા- ગીરસોમનાથ)
* શું માનવજીવન અશુધ્ધ થઈ ગયું છે?
- એટલે તો કહું છું... બહારનું ખાવાનું બંધ કરો!
...પીવાનું પણ નહિ!
(નૂર મુહમ્મદ ઈબ્રાહિમ, મુંબઈ)
(નૂર મુહમ્મદ ઈબ્રાહિમ, મુંબઈ)
* ગુસ્સામાં તમે કોઈનું અપમાન કરી બેસો, પણ વાસ્તવિકતા સમજાતાં 'સૉરી' કહો ખરા?
- હું તો કોઈ વગર ગુસ્સે મારું અપમાન કરે, એને ય 'સૉરીઓ' કહેતો ફરૂં છું.
(જયેશ અંતાણી, ભાવનગર)
(જયેશ અંતાણી, ભાવનગર)
* 'કાગડો દહીંથરું લઈ ગયો,' એ વિધાન ડિમ્પલ કાપડીયા- રાજેશ ખન્નાના સંદર્ભમાં
તમને ગમે?
- રાજેશ ખન્ના હંસ હતો... અને મારે ક્યાં કન્યાદાન
કરવાનું હતું, તે મને ગમે કે ન ગમે?
(દિનેશગીરી ગોસ્વામી, પોરબંદર)
(દિનેશગીરી ગોસ્વામી, પોરબંદર)
* સાંભળ્યું છે, તમે
ગુજરાતના ગામેગામની છોકરીઓના પ્રેમમાં પડી ચૂક્યા છો!
- ડુંગરે ડુંગરે કાદુ તારા ડાયરા...
(કજરી સુરેન્દ્ર મેહતા, રાજકોટ)
(કજરી સુરેન્દ્ર મેહતા, રાજકોટ)
* સગા હોય તે વહાલાં... કે વહાલા હોય તે સગાં નથી
હોતાં... કેમ?
- સગાં બનવામાં વિજ્ઞાાનની જરૂર પડે.
(નીતિન ઉપાધ્યાય, ભાવનગર)
(નીતિન ઉપાધ્યાય, ભાવનગર)
* 'ઊલટા ચશ્મા'ના એકે
ય પાત્રની સાસુ દેખાતી નથી...
- સમગ્ર ભારતના તમે પહેલા પુત્ર છો, જે હીરોઇનોને પડતી મૂકીને સાસુઓ ગોતવા નીકળ્યા
છો...
(જે.જે. લાખાણી, મુંબઈ)
(જે.જે. લાખાણી, મુંબઈ)
* શ્રી શંકરાચાર્ય દેવ થયા ત્યારે કોઈ મોટી ઘટના ન
ગણાઇ... ને શ્રીદેવી માટે આટલું બધું?
- ઈ.સ. ૨૦૧૯ની ચૂંટણીમાં ભાજપને સાઉથનું વધારે
ધ્યાન રાખવું પડે એમ છે.
(રોહિત આઈ. દવે, હાલોલ)
(રોહિત આઈ. દવે, હાલોલ)
* જીવન સાર્થક થયું ક્યારે કહેવાય?
- બોલો... હવે ખુશ ને?
(ઝંખના અંધારીયા, ભાવનગર)
(ઝંખના અંધારીયા, ભાવનગર)
* વિજય માલ્યા જેવા હજી કેટલા મગરમચ્છ બાકી છે?
- મારું નામ તો ગણતા જ નહિ... (આપણે સમજી લઈશું!)
(મણીલાલ પારેખ, રાજકોટ)
(મણીલાલ પારેખ, રાજકોટ)
* આપના મત મુજબ હાલનો 'ભદ્રંભદ્ર' કોણ છે ?
- કલ્પનાને બદલે 'પરિકલ્પના' કે 'સંકલ્પના' જેવા શબ્દો સાથે સાહિત્ય રચનાર બધા ભદ્રંભદ્રો
છે.
(અનિરૂધ્ધસિંહ રહેવર, રણાસણ- તલોદ)
(અનિરૂધ્ધસિંહ રહેવર, રણાસણ- તલોદ)
* અમારી સોસાયટીના વૃક્ષ પર બેઠેલી કોયલ રોજ ૪
વાગ્યામાં સતત ટહૂકે રાખે છે... ઉપાય ?
- એ ટહૂકા
રૅકૉર્ડ કરીને રોજ સવારે એની સામે વગાડો... સોસાયટીવાળાનું
જે થવું હોય એ થાય !
(દમન પુરોહિત, મુંબઇ)
(દમન પુરોહિત, મુંબઇ)
No comments:
Post a Comment