* 'હાર્યો જુગારી બમણું રમે', તો જીતેલો જુગારી માલ ઘરભેગો કરે ?
- લગ્ન પછી માલ ઘરભેગો કર્યા સિવાય બીજો કોઇ વિકલ્પ
હોતો નથી.
(જીતેન્દ્ર કેલા, મોરબી)
(જીતેન્દ્ર કેલા, મોરબી)
* ઘણા સમયથી સવાલ પૂછવા માંગુ છું પણ સમય મળતો નથી.
શું કરૂં ?
- તમારે કાંઇ કરવાનું નથી. મને સમય મળે પછી જવાબ
આપીશ.
(પ્રદીપસિંહ ગંભીરસિંહ ઝાલા, રાજકોટ)
(પ્રદીપસિંહ ગંભીરસિંહ ઝાલા, રાજકોટ)
* તમે 'ઓહ', 'આહ', 'એમ ?'...એવા જવાબો કેમ આપો છો ?
- 'ઓહ નો...!'
(મનોજ પી. દેસાઇ, સુરત)
(મનોજ પી. દેસાઇ, સુરત)
* ગીરમાં સિંહના પગ પાસે પડી ગયેલું તમારૂં પાકીટ
સિંહ મને આપી ગયો છે ...!
- તમારા કરતા સિંહ વધુ સારો નાગરિક કહેવાય !
(મેઘાવી મેહતા, સુરત)
(મેઘાવી મેહતા, સુરત)
* તમારા પુસ્તકો 'મોર્નીંગીયું
ઍનકાઉન્ટર'અને 'ઇવનિંગીયું
એનકાઉન્ટર' વચ્ચે શું ફરક ? શું
સવારે આપેલા જવાબો સાંજ કરતા જુદા હોય છે ?
- મારા (બુધવારની) બપોરના જવાબો વધુ ધારદાર હોય છે.
(ડો. માધુરી કોડિયાતર, ગાંધીનગર)
(ડો. માધુરી કોડિયાતર, ગાંધીનગર)
* દાદુ, તમે
મારા સવાલોનું જ કેમ એનકાઉન્ટર કરી નાંખો છો ?
- સવાલો તો સારા હોય છે... જવાબો 'એનકાઉન્ટર' કરી
નાંખવા જેવા હોય છે.
(અંજલિ મયંક રાઠોડ, અમદાવાદ)
(અંજલિ મયંક રાઠોડ, અમદાવાદ)
* આધુનિક યુવાનોમાં ધીરજનો સદંતર અભાવ હોય છે...
તમે સહમત છો ?
- ભ'ઇ
ડોકટરે આપેલા સમય પહેલા કશું ના થાય !
(જયેશ અંતાણી, ભાવનગર)
(જયેશ અંતાણી, ભાવનગર)
* હું ઇ.સ. ૧૯૯૨થી તમારી 'બુધવારની બપોર'નો ચાહક
છું...
- હા... એ પહેલા તો સારૂં લખતો હતો...!
(નિશાંત પુરોહિત, મુંબઇ)
(નિશાંત પુરોહિત, મુંબઇ)
* કોંગ્રેસ આવે છે કે જાય છે ?
- એ મૂંઝવણ તો દેશભરનો એક ય કોંગ્રેસી ઉકેલી શકે
એવો નથી ને બીજા કોઇને એ મૂંઝવણની પડી ય નથી.
(હરદીપસિંહ જાડેજા, અબડાસા- કચ્છ)
(હરદીપસિંહ જાડેજા, અબડાસા- કચ્છ)
* 'શૂન્ય'ની શોધ
ભારતમાં થઇ હતી... એવી કોઇ બીજી શોધ ખરી ?
- એ જ કે... શૂન્યના આકારની બીજી ૫૦ લાખ ચીજો
દુનિયામાં છે. બીજા કોઇ આંકડાની નહિ !
(ચેતન વાય. ભટ્ટ, અમદાવાદ)
(ચેતન વાય. ભટ્ટ, અમદાવાદ)
* સવારે પંખો ચાલુ કર્યા પછી ય ગરમી લાગે છે. તો
શું કરવું ?
- હા, પણ તમે
તો રોજ પોતાના ઘરનો પંખો ચાલુ કરતા હશો ને?
(અજીત સોલંકી, આલમપુર- ગાંધીનગર)
(અજીત સોલંકી, આલમપુર- ગાંધીનગર)
* રજત શર્માની 'આપ કી
અદાલત'માં તમારે જવાનું થાય તો ?
- ..તો એ આ બધા સવાલો કોની પાસે તૈયાર કરાવે છે...?
(કશ્યપ મહેન્દ્રભાઇ ઓઝા, અમદાવાદ)
(કશ્યપ મહેન્દ્રભાઇ ઓઝા, અમદાવાદ)
* આજકાલ તમે જવાબો ટુંકા આપવા લાગ્યા છો...!
- આજકાલ...?
(રિયાઝ આર. જમાણી, મહુવા)
(રિયાઝ આર. જમાણી, મહુવા)
* તમે સૌથી મોટું સત્ય ક્યારે બોલ્યા હતા ?
- એટલું ય બોલ્યો છું કે નહિ, એની તો તપાસ કરો !
(સુનિલ વોરા, મુંબઇ)
(સુનિલ વોરા, મુંબઇ)
* તમે સુરતમાં કેમ નથી આવતા ?
- વગર બોલાવે તો ભગવાનના ઘેરે ય જતો નથી.
(ડો. અશ્વિન કાકડીયા- ડો. દિનેશ પેથાણી, સુરત)
(ડો. અશ્વિન કાકડીયા- ડો. દિનેશ પેથાણી, સુરત)
* કાશ્મીરમાં રોજ આપણા આટલા બધા સૈનિકો મરે છે... એનું
શું કરવાનું ?
- આપણે ત્યાં કઇ સભા કે પ્રોગ્રામમાં 'રાષ્ટ્રગીત' કે 'વંદે માતરમ' ગવાય
છે...? જવાનોને જીવાડવાની જવાબદારી એમની એકલાની જ છે ? જે પ્રોગ્રામમાં મને બોલાવાય છે, ત્યાં પહેલા રાષ્ટ્રગીત ગવાવાનું હોય તો જ હું
જઉં છું, એ મારી પહેલી શરત હોય છે.
(કમલેશ પટેલ, અમદાવાદ)
(કમલેશ પટેલ, અમદાવાદ)
* યોગીજીની બરોબરી કરી શકે, એવા ગુજરાતના કયા મુખ્યપ્રધાન તમને દેખાય છે ?
- ધાર્મિક કે સ્વાગત સમારંભો છોડીને રાજ્યનું ભલું
વિચારવા માંડે, તો અત્યારના મુખ્યમંત્રી ય ચાલે !
(જીજ્ઞોશ એમ. ચાવડા, પોરબંદર)
(જીજ્ઞોશ એમ. ચાવડા, પોરબંદર)
* લોકડાયરાઓમાં હવે ફિલ્મી ધૂનોએ પ્રવેશ કરવા
માંડયો છે...
- અત્યંત પ્રસન્ન અને ભાવુક થઇને ડાયરાના જે
કલાકારના ચરણસ્પર્શ કરવા જઇએ, ત્યારે ખબર પડે, આટલા સન્માન્નીય કલાકારને ડાયરા વિના ચાલે, દારૂ વિના નહિ!
(જય જોશી, પોરબંદર)
(જય જોશી, પોરબંદર)
* તમે પોલિટિક્સમાં જોડાશો ખરા ? હા, તો કેમ ?
- નહિ જોડાઉં... અમારા સાહિત્યજગત જેટલું છીછરૂં
પોલિટિક્સ તો દિલ્હીમાં ય નથી.
(જુઝેર અબ્બાસ પેઢીવાલા, મુંબઇ)
(જુઝેર અબ્બાસ પેઢીવાલા, મુંબઇ)
* તમારા નામ પહેલા 'શ્રીશ્રીશ્રી' ક્યારે લગાવશો ?
- જ્યારે હું ધર્મને બાજુ પર રાખીને દેશનો
આધ્યાત્મિક વિકાસ કરતો થઇશ ત્યારે.
(વિપુલ મકવાણા, શામપરા- સિદસર)
(વિપુલ મકવાણા, શામપરા- સિદસર)
* તમે કેરીના રસને બદલે કેરીની કાપેલી ચીર ખાઓ છો
ખરા ?
- હથેળીમાં મીઠું રાખીને...! જ્યારે મારી સામે કોઇ
બેન્ડબાજાંવાળો વાજું વગાડતો હોય ત્યારે.
(દિવ્યા સાણંદીયા, સુરત)
No comments:
Post a Comment