* સરકાર કરતા
ક્રિકેટર ગૌતમ ગંભીર દેશના સૈનિકોની વધુ સેવા કરે છે.
– મારા/તમારા જીવનમાં 'જયહિંદ' શાશ્વત
બન્યું રહે, એ વધુ જરૂરી છે.
(ડૉ. રવિ દયાની, સુરત)
(ડૉ. રવિ દયાની, સુરત)
* સવારે ઉઠીને તમે
કયો યોગા કરો છો ?
– એ તો સવારે જે ઉઠતું હોય, એને ખબર. (આપણે ભારતીય છીએ. 'યોગા' ધોળીયાઓ
બોલે. આપણે તો 'યોગ' જ
બોલાય.)
(ઇન્દ્રસિંહ ડી. રાણા, સાણંદ)
(ઇન્દ્રસિંહ ડી. રાણા, સાણંદ)
* દોસ્તોને ક્રિકેટ
રમવું તો ગમે છે, પણ એને માટે પૈસા કાઢવા ગમતા નથી.
– એ લોકો ક્રિકેટમાં નહિ, તો રાજકારણમાં સફળ થશે.
(સુફિયાન પટેલ, ચાવજ-ભરૂચ)
(સુફિયાન પટેલ, ચાવજ-ભરૂચ)
* મેં જે છોકરીને
પ્રપોઝ કર્યું, એની બહેને મને પ્રપોઝ કર્યું. મારે શું કરવું ?
– તપાસ પૂરતી કરી લેજો... હજી એને બીજી ૩-૪ બહેનો
છે ?
(રજનીકાંત ધમસાણીયા, જામનગર)
(રજનીકાંત ધમસાણીયા, જામનગર)
* આપે દારૂ
(વ્હિસ્કી) ઉપર ઘણું સંશોધન કર્યું લાગે છે.... (સૌજન્ય : 'બુધવારની બપોરે')
– પીનારાઓ સંશોધનોમાં ટાઇમો ન બગાડે.
(જીતેન્દ્ર કેલા, મોરબી)
(જીતેન્દ્ર કેલા, મોરબી)
* ધૂળેટી 'રમાય' છે. તો
એની ગણત્રી ખેલકૂદમાં કરવી કે તહેવારમાં ?
– ઘણી બધી રમતોમાં આપણે વર્લ્ડ-ચૅમ્પિયન છીએ... બસ, ધૂળેટીનો સમાવેશ ઑલિમ્પિકમાં કરાવો ને પછી જુઓ, ભાયડાના ભડાકા !
(નીતિન પી. શર્મા, મુંબઈ)
(નીતિન પી. શર્મા, મુંબઈ)
* ગાંધીજી વિશે
તમારો શું અભિપ્રાય છે ?
– એમના જેવી પૂજનીય પ્રતિભાની તો પ્રશંસા કરવા
પૂરતો ય હું લાયક નથી.
(શરદ ગોરાસવા, ટોડા-લાઠી)
(શરદ ગોરાસવા, ટોડા-લાઠી)
* ભેંસાણ તાલુકાના
સાંકરોળા ગામે યોજાયેલી શ્રીમદ્ ભાગવત સપ્તાહમાં રોજ રાષ્ટ્રગીત અચૂક ગવડાવાયું
છે.
– ૪-૫ કલાક ચાલતી કથામાંથી કેવળ ૫૨-સૅકન્ડનું
રાષ્ટ્રગીત ગવડાવવામાં સાધુસંતોએ 'ઈગો'નો પ્રશ્ન કેમ બનાવી દીધો છે, એ મને સમજાતું નથી.
(રોહિત બારડ, વેરાવળ)
(રોહિત બારડ, વેરાવળ)
* પાકિસ્તાનને
ઘમરોળવા માટે આપણે સૈન્યને પાનો ચઢાવવાનો છે કે રાજકારણીઓને ?
– આગામી ચૂંટણીઓ જીતવા માટે આપણા નેતાઓ ઈવન, પાકિસ્તાન પાસે ભીખ માંગતા જવું પડે, તો ય અચકાય એવા નથી.
(માલતી જાની, વડોદરા)
(માલતી જાની, વડોદરા)
* 'રૅન્સમવૅર'નો
વાયરસ તમારો ડેટા હૅક કરીને ખંડણી માંગે તો શું કરી શકો ?
– મારૂં ખાતું જોયા પછી, પૂરા દયાભાવથી એ લોકો સામે ચાલીને મને કરોડ-બે
કરોડની ઑફર કરે.
(વૈશાલી ભટ્ટ, રાજકોટ)
(વૈશાલી ભટ્ટ, રાજકોટ)
* સુકન્યા બૉન્ડ તો
બહાર પડી ગયા. હવે 'સુવર' બૉન્ડ
ક્યારે ?
– લગ્નના બજારમાં તમારો હિસાબ-કિતાબ પતી ગયો હોય તો
આપણે આમાં પડવા જેવું નહિ !
(ચેતન ભટ્ટ, અમદાવાદ)
(ચેતન ભટ્ટ, અમદાવાદ)
* 'પહેલા જમી લો... પછી મારે તમને એક વાત કરવી છે.' એવું પત્નીએ કીધા પછી ફફડાટમાં કયો નરબંકો જમી
શક્યો છે ?
– એ તો રોજ પોતાના ઘેર જમવાની ટેવ પાડો, તો આવા ફફડાટો રોજના છે.
(દીપક આશરા, ગાંધીનગર)
(દીપક આશરા, ગાંધીનગર)
* પરપ્રાંતમાંથી
ગુજરાતમાં અનેક લોકો ઘુસી આવ્યા છે. કોઇ ઉપાય ?
– પહેલા ટોટલ દસ ગુજરાતી તો શોધો, જેમને ગુજરાતી હોવાનું ગર્વ હોય !
(રાકેશ બી. ભાવસાર, ભરૂચ)
(રાકેશ બી. ભાવસાર, ભરૂચ)
* 'ઍનકાઉન્ટર'માં
મારા સવાલની જેટલી રાહ જોઉં છું, એટલી મોબાઇલ કંપનીની
નૅક્સ્ટ ઑફરની ય નથી જોતી !
– સોળ સાકરીયા સોમવાર કરો.
(હેતલ ડોડીયા, ગીરસોમનાથ)
(હેતલ ડોડીયા, ગીરસોમનાથ)
* તમને એક દિવસ માટે
કાશ્મિર સરહદે એકે-૪૭ સાથે મોકલવામાં આવે તો પહેલું કામ શું કરો ?
– આખો દિવસ એ બંદૂક પકડી રાખનાર નોકર શોધું.
(કૌશિક શાહ, ભાવનગર)
(કૌશિક શાહ, ભાવનગર)
* આપણા કન્ટ્રીમાં
પરિવર્તન ક્યારે આવશે ?
– એને 'ઇમ્પોર્ટ' કરવું પડશે.
(દર્શના રામાણી, નવસારી)
(દર્શના રામાણી, નવસારી)
* 'બુધવારની બપોરે'ની
તમારી 'સિક્સર' મુજબ, કૉંગ્રેસ કે ભાજપ બાબા રામ– રહીમની વિરુદ્ધમાં એક અક્ષરે ય બોલી શક્તા કેમ
નથી ?
– બાબા એમને ય જરૂર પડે ત્યારે 'સગવડ' કરી
આપતા હોય.. !
(મિનોતી જયપ્રકાશ, જામનગર)
(મિનોતી જયપ્રકાશ, જામનગર)
* દારૂબંધી પ્રજાના
ફાયદા માટે છે કે શાસકોના ?
– પ્રજાને કદી 'ફાયદો' શબ્દ અડયો નથી.
(દેવેન્દ્ર જાની, પેથાપુર)
(દેવેન્દ્ર જાની, પેથાપુર)
* 'ઍનકાઉન્ટર'માં
સવાલ સાદા ફૉન્ટસમાં અને જવાબ બૉલ્ડ ફૉન્ટસમાં કેમ ?
– તો તમને આવી લખાણપટ્ટીઓને બદલે મુદ્રણકલામાં વધુ રસ
છે !
(અંકિતા પટેલ, મુંબઈ)
(અંકિતા પટેલ, મુંબઈ)
* શું નોટો ઉપર
લખાણની રીઝર્વ બૅન્કે છૂટ આપી છે ?
– આત્મકથા-બથા લખવી હોય તો કોઇ ફાલતુ પૅપર વાપરો ને
!
(રાકેશ ગાભવાલા, આણંદ)
(રાકેશ ગાભવાલા, આણંદ)
* 'ઍનકાઉન્ટર'માં ઘણા
વાચકોના સવાલો વારંવાર છપાય છે...
– ક્યાંક તમે સાચા છો. પોતાનું નામ વારંવાર છપાવવા
માટે કેટલાક વાચકો રોજના પાંચ-દસ સવાલો મોકલે છે, એટલે સારા હોય તો એમના સવાલ છપાય. પણ હવે આ
મુદ્દે પૂરતું ધ્યાન આપવા માંડયું છે. સવાલ ગુણવત્તાનો હોય તો જ મોકલવો જોઇએ.
(સુરેશ જમનાદાસ, મુંબઈ)
(સુરેશ જમનાદાસ, મુંબઈ)
No comments:
Post a Comment