* આ વખતની વિધાનસભાની ચૂંટણીઓ વિશે શું માનો છો ?
- ધિક્કાર થાય છે બન્ને પક્ષો ઉપર કે, એકબીજાને ભાંડવા સિવાય આ લોકોની પાસે દેશ માટે
બોલવાના બે શબ્દો ય નથી ?
(પ્રિયા સા. પટેલ, અમદાવાદ)
(પ્રિયા સા. પટેલ, અમદાવાદ)
* સૈનિકો શહીદ થાય ત્યારે રેલીઓ નીકળે, અંજલિઓ અપાય... બસ, પછી
તેમના પરિવાર સામે કોઇ જોતું ય નથી. આવું કેમ ?
- હવે સાવ એવું નથી. હવે સામે જોયા વગર
શ્રધ્ધાંજલિઓ અપાય છે.
(રમણભાઇ રાઠોડ, ઉદવાડા- વલસાડ)
(રમણભાઇ રાઠોડ, ઉદવાડા- વલસાડ)
* શું ગુજરાતના આજના હાસ્યલેખકો જ્યોતીન્દ્ર દવેની
પિચ ઉપર રમે છે ?
- તો તો દુનિયાભરના ક્રિકેટરો ડૉન બ્રૅડમૅનની પિચ
ઉપર જ રમતા હશે ને ?
(કિશોર ડી. વેદ, રાજકોટ)
(કિશોર ડી. વેદ, રાજકોટ)
* સરહદે લડતો સૈનિક પ્રામાણિકતા ગુમાવશે ત્યારે શું
થશે ?
- આપણા સૈનિકો જાન ગુમાવવા તૈયાર છે, પ્રામાણિકતા ગુમાવવા નહિ !
(મૂકેશ ચંદારાણા, મીઠાપુર)
(મૂકેશ ચંદારાણા, મીઠાપુર)
* ઈંગ્લિશ મીડિયા કે
ગુજરાતી મીડિયમ ?
- એનો આધાર ગાળો ખાનાર કઇ ભાષા સમજે છે, એની ઉપર છે !
(નૈષધ દેરાશ્રી, જામનગર)
(નૈષધ દેરાશ્રી, જામનગર)
* સરકારી ઑફિસમાં કામ કઢાવવા માટે ય લાંચ આપવી જ
પડે ?
- આપેલી લાંચ પાછી કઢાવવા માટે ય લાંચ આપવી પડે.
(ક્રિષ્ણા ડી. સુમેસરા, વીરમગામ)
(ક્રિષ્ણા ડી. સુમેસરા, વીરમગામ)
* મથુરા રેલ્વે સ્ટેશને હેમા માલિની ઉપર આખલાએ
હુમલો કર્યો, એમાં સ્ટેશન- માસ્ટર સસ્પૅન્ડ...!
- આખલાનો ટેસ્ટ ઊંચો કહેવાય... રેલવે તંત્રનો નહિ !
(ટી.વી. બારીઆ, વડોદરા)
(ટી.વી. બારીઆ, વડોદરા)
* સવાલો પોસ્ટકાર્ડથી મંગાવો છો, પણ સરકારના ડિજીટલ- ઈન્ડિયાના પ્રચારનું શું ?
- એ અમે સરકારને પોસ્ટકાર્ડ લખી પુછાવ્યું છે.
(દિનેશ મૂલરાજ મચ્ચર, અંજાર)
(દિનેશ મૂલરાજ મચ્ચર, અંજાર)
* કવિ સંમેલનોની જેમ હાસ્ય- સંમેલનો કેમ યોજાતાં
નથી ?
- ગિર્દી એટલી થાય છે કે શ્રોતાઓને હૉલની બહાર
બેસાડવા પડે છે... અંદર કોઇ હોતું નથી !
(સુરેન્દ્ર પારેખ, વલસાડ)
(સુરેન્દ્ર પારેખ, વલસાડ)
* 'સંભવામિ યુગે યુગે' કહેવા
છતાં પ્રભુ હજી આવ્યા નથી... ચારે બાજુ દુઃશાસનનો જ છે !
- હવે સમજ્યા ને ? હું
એકલો કેટલે પહોંચી વળું ?
(મણીબેન પટેલ, ઊંટડી- વલસાડ)
(મણીબેન પટેલ, ઊંટડી- વલસાડ)
* આપણા દેશમાં સાચી લોકશાહી ક્યારે જોવા મળશે ?
- લોકશાહી જોવાની નહિ, જીવ બાળવાની શાહી છે.
(આર.એન. કાનાબાર, માણાવદર)
(આર.એન. કાનાબાર, માણાવદર)
* શું કોંગ્રેસને લુપ્ત
થતી પ્રજાતિમાં મૂકી શકાય ?
- એ શું છે ?
(મહેન્દ્ર આર. પટેલ, વિસનગર)
(મહેન્દ્ર આર. પટેલ, વિસનગર)
* રાહુલ ગાંધીના ગુજરાતમાં 'ફૅન્સ' વધી ગયા
છે... અહીં પરણે તો કૉંગ્રેસ જીતી જાય !
- પૂછવું હોય તો 'નરેન્દ્ર
મોદીના ગુજરાતમાં...' પુછાય.. રાહુલના ફૅન્સ તો કૉંગ્રેસમાં ય દેખાતા
નથી.
(જયશ્રી પરીખ, વડોદરા)
(જયશ્રી પરીખ, વડોદરા)
* ગુજરાતની ચૂંટણીમાં મતદારો કેવો અભિગમ અપનાવશે ?
- આ વખતે વૈષ્ણવ, બ્રાહ્મણ, સિંધી, પારસી
કે લુહાણાઓને તો એક ય પક્ષે ગણ્યા છે ય ક્યાં ?
(હરીશ મણિયાર, જેતપુર)
(હરીશ મણિયાર, જેતપુર)
* આજકાલ માણસો મોટા ભાગે ચિંતામાં કેમ જીવતા હોય છે
?
- સોની સાહેબ... કોઇ મોટું 'કરી ગયું' લાગે છે
?
(ભાનુપ્રસાદ સોની, અમદાવાદ)
(ભાનુપ્રસાદ સોની, અમદાવાદ)
* હવે મારા સવાલનો જવાબ નહિ આપો તો ચોક્કસ તમારાં
બા ખિજાશે ?
- તમારે એમને સામો જવાબ નહિ આપવાનો. ખિજાવા
દેવાનાં. સૌ સારાંવાનાં થશે.
(સુરેશ છેડા, મુંબઇ)
(સુરેશ છેડા, મુંબઇ)
* પોસ્ટકાર્ડમાં સવાલ પૂછનારાઓ માટે કોઇ નવો નિયમ ?
- હા. આ વખતથી સવાલ, ફોન
નંબર અને નામ- સરનામાને બદલે બીજું બધું ચીતરી મેલનાર પોસ્ટકાર્ડ્સ સામે અમારા
સ્ટાફે જોયું પણ નથી. તમારો સવાલ ન છપાય તો સમજજો, સવાલ
સિવાયનું ઘણું ચિતરામણી કરી મેલ્યું હશે.
(પ્રતીક્ષા કે. જાની, સુરત)
(પ્રતીક્ષા કે. જાની, સુરત)
* ગુજરાતમાં વધુ પડતો રસ લેતા થયેલા રાહુલ ગાંધીની
મહેનત ફળશે ?
- એમની પાસે મોદી સિવાયનો કોઇ મુદ્દો જ નથી.
કૉંગ્રેસ દેશમાં સારું શું શું કરી શકે એમ છે, એનું એક
વાક્ય તો બોલો ભ'ઈ ! પ્રજાને મોદીમાં કે રાહુલમાં રસ નથી, પોતાના વિકાસમાં રસ છે. બાબાભ'ઇ થોડા ગ્રો- અપ થાય તો ખબર પડે.
(હસમુખરાય રાજાણી, રાજકોટ)
(હસમુખરાય રાજાણી, રાજકોટ)
* આપણો મહાન દેશ ભાષણબાજીમાં નંબર- વન છે... શું
કારણ હશે ?
- હા, તે વળી
ઘેર પહોંચ્યા પછી ભાષણ કરી શકો નહિ... સાંભળવું તો પડે ને ?
(દીવાન અરજા સૃજન, અમદાવાદ)
(દીવાન અરજા સૃજન, અમદાવાદ)
* શું એ વાત સાચી કે બ્રાહ્મણો ખૂબ ગુસ્સાવાળા હોય
છે ?
- બહાર ખરા.
(પ્રતાપ બી. ઠાકોર, ખરેટી)
(પ્રતાપ બી. ઠાકોર, ખરેટી)
* શઠ અને શેઠને કેમ ઓળખવા ?
- બન્નેને પૈસા આપી જુઓ. પાછા ન આપે એ શઠ... અને
આપ્યા પછી તમારા ડબલ લઇ લે,
એ શેઠ. (આ બન્ને પ્રયોગો તમે મારી ઉપર કરી શકો
છો.)
(દિનેશગિરિ ગોસ્વામી, પોરબંદર)
(દિનેશગિરિ ગોસ્વામી, પોરબંદર)
No comments:
Post a Comment