* કોંગ્રેસ આવે છે?
- કોંગ્રેસ આવે કે
ભાજપ જાય... દેશને કોઈ ફરક લાગતો નથી.
(નિમિષ મ. પારેખ, અમરેલી)
(નિમિષ મ. પારેખ, અમરેલી)
* 'ઘરડા વિના ગાડાં ન ચાલે', પણ જ્યાં ઘરડા જ ન હોય ત્યાં શું કરવું?
- થોડાં વર્ષો રાહ
જુઓ.
(ધવલ જે. સોની, ગોધરા)
(ધવલ જે. સોની, ગોધરા)
* મંદિરો-દેરાસરોમાં
અબજો રૂપિયાનાં દાન થાય છે. એટલા પૈસા દેશના વીર સૈનિકો કે શહીદોના પરિવારો માટે
કેમ ન ખર્ચાય?
- દરેક શહીદની
આરસપહાણની ખાંભી ઉપર દાતાશ્રીનાં નામો કોતરાવો. રોજના અબજો રૂપિયાનાં દાન મળશે.
(પિયુષ સોની, અમદાવાદ)
(પિયુષ સોની, અમદાવાદ)
* વિનાશક વાવાઝોડાનાં
નામો સ્ત્રીઓના નામ પરથી કેમ પડે છે?
- વાવાઝોડું કોઈ
મંગલ પ્રસંગ થોડો છે?
(કમલેશ એ. ઉદાણી, રાજકોટ)
(કમલેશ એ. ઉદાણી, રાજકોટ)
* રાજકીય ગૂનેગારોને
જેલમાં લઈ જવાતી વખતે જ છાતીમાં દુ:ખાવો કેમ ઊપડે છે?
- બીજે ક્યાંય
દુ:ખાવો ઊપડે, તો ટીવી-ન્યૂસમાં ફોટા સારા ન આવે.
(મુગ્ધા ઉલ્લાસ વોરા, જૂનાગઢ)
(મુગ્ધા ઉલ્લાસ વોરા, જૂનાગઢ)
* કરણ જોહરનું નામ
સ્ત્રીઓ સાથે સંભળાતું નથી,
છતાં એની ફિલ્મોમાં લવ-સ્ટૉરી ફાંકડી હોય છે...
- પૉસિબલ છે, હવે પછી એ 'પુરુષ-પુરુષ'ની લવ સ્ટોરી પર ફિલ્મ બનાવશે.
(ફાલ્ગુન વૈદ્ય, ઈલિનૉય-અમેરિકા)
(ફાલ્ગુન વૈદ્ય, ઈલિનૉય-અમેરિકા)
* મારા સવાલોના જવાબ
નથી મળતા. શું આધાર-કાર્ડ લિન્ક કરવાનું છે?
- '...દિલ કો બહેલાને કે લિયે, 'ગાલીબ', યે ખયાલ
અચ્છા હૈ.' મોટા ભાગના વાચકોએ આ સ્ટાઇલ પકડી છે, 'અમે કેટલાય સવાલો પૂછ્યા...!'
(તુષાર સુખડિયા, હિંમતનગર) અને (ઘનશ્યામ વરીયા, સુરત)
(તુષાર સુખડિયા, હિંમતનગર) અને (ઘનશ્યામ વરીયા, સુરત)
* તમારી
લોકપ્રિયતાની ઈર્ષા થાય એવું છે...!
- કરો..! બાકી, હું જ્યાં રહું છું, એના એકે ય ફ્લેટવાળાને ખબર નથી કે, આવો કોઈ લેખક અહીં રહે છે...!
(મૃગાંકી જે. મેહતા, અમદાવાદ)
(મૃગાંકી જે. મેહતા, અમદાવાદ)
* કાશ્મીર-વિરોધીઓને
સીધા કરવા શું કરવું જોઈએ?
- ઈમ્પૉસિબલ... આપણા ને આપણા જ
નેતાઓને તો સીધા કેવી રીતે કરો?
(મિતેશ અંબોડીયા, અમદાવાદ)
(મિતેશ અંબોડીયા, અમદાવાદ)
* 'ઍનકાઉન્ટર'માં
સવાલ પૂછવા માટે શું કરવું જોઈએ?
- સવાલ પૂછવો જોઈએ.
(કુણાલ સોની, અમદાવાદ)
(કુણાલ સોની, અમદાવાદ)
* નરેન્દ્ર મોદીના
આવ્યા પછી 'વિકાસ' શબ્દ
સાંભળ્યો. એ પહેલાં તો 'કૌભાંડ' અને 'ગોટાળા' જ
સાંભળવા પડતા હતા...
- પહેલાં 'કૌભાંડ' અને 'ગોટાળા' જોવા
મળતા હતા... આજે 'વિકાસ' જોવા
મળે છે.
(હેમંત રાઠવા, તેજપુર-છોટા ઉદેપુર)
(હેમંત રાઠવા, તેજપુર-છોટા ઉદેપુર)
* શું રાહુલ ગાંધીના
મતે, દેશમાં ઊભી થતી કોઈ પણ સમસ્યા માટે મોદી જ
જવાબદાર છે?
- તો તો... રાહુલને 'સમસ્યા' ના
કહેવાય!
(વિશ્વ પટેલ/કેતુલ પટેલ, નડિયાદ)
(વિશ્વ પટેલ/કેતુલ પટેલ, નડિયાદ)
* શું નેતાઓનું એક
બાળક ફરજિયાત લશ્કરમાં જોડાય, એવો કાયદો ન હોવો
જોઈએ?
- ગેરકાયદેસર સંતાનો
ચાલે... ગેરકાયદેસર સૈનિકો ન ચાલે.
(કિરીટ ગોસાઇ, ખેરવા-મેહસાણા)
(કિરીટ ગોસાઇ, ખેરવા-મેહસાણા)
* તમે કોઈનાથી
છેતરાયા છો ખરા?
- વિધાનસભાના
ઍક્ઝિટ-પોલ વખતે દેશની તમામ ટીવી-ન્યૂસ ચેનલોએ આખા દેશને બેવકૂફ બનાવ્યો હતો -
પોતે સુપર-બેવકૂફ બનીને!
(મનિષ એન. વર્મા, ગોધરા)
(મનિષ એન. વર્મા, ગોધરા)
* 'કેબીસી'ના
સ્પર્ધકો સાથે અમિતાભ બચ્ચન 'સેલ્ફી' લેતા... તમારે પણ વિચારવું જોઈએ?
- હા, પણ અમિતાભ માનવો જોઈએ ને!
(જીતેન્દ્ર કેલા, મોરબી)
(જીતેન્દ્ર કેલા, મોરબી)
* અમદાવાદના
ટ્રાફિક-જામ વિશે શું કહેશો?
- હું ઘોડો ખરીદવા
માંગું છું.
(રાકેશ બી. ભાવસાર, ભરૂચ)
(રાકેશ બી. ભાવસાર, ભરૂચ)
* અમદાવાદી થઈને
પોસ્ટકાર્ડમાં સવાલ પુછાય?
- ઘેર આવીને ના
પૂછતા.
(મૂકેશ પડસાલા, અમદાવાદ)
(મૂકેશ પડસાલા, અમદાવાદ)
* રામ-રહીમ જેવા
બાબાઓની જાહેરખબરોને બંધ ન કરી શકાય?
- ના. દેશમાં
પરમેશ્વર કરતાં આવા બાબાઓને પૂજનારા કરોડોની સંખ્યામાં છે.
(મધુકર મેહતા, વિસનગર)
(મધુકર મેહતા, વિસનગર)
* આપણા રાષ્ટ્રગીતને
પ્રણામ...
- બહુ ઓછાને ખબર છે
કે, વિશ્વના તમામ દેશોમાંથી ભારતનું રાષ્ટ્રગીત પ્રથમ
નંબરે મુકાયું છે.
(યશ મહેતા,અમદાવાદ) અને (સુરભી ઠક્કર, પેટલાદ)
(યશ મહેતા,અમદાવાદ) અને (સુરભી ઠક્કર, પેટલાદ)
* ડિમ્પલ કાપડિયા
અને સની દેઓલ લંડનના રેલ્વે-સ્ટેશનના બાંકડે બેઠાં હતાં...
- 'બેઠાં' હોય, ત્યાં સુધી શું વાંધો?
(કુલદીપસિંહ જાડેજા, આણંદ)
(કુલદીપસિંહ જાડેજા, આણંદ)
* જૂનાં ફિલ્મી ગીતોનો
જમાનો પાછો ક્યારે આવશે?
- આનો જવાબ મહિના, વર્ષ કે સદીના આંકડામાં ન અપાય!
(જતિન દેસાઈ, મુંબઈ)
(જતિન દેસાઈ, મુંબઈ)
* નવરાત્રી વખતે
પોતાની સોસાયટી છોડીને બીજે ગરબા રમવા જનારાઓને શું કહેવું?
- જય અંબે.
(મમતા કામદાર, મુંબઈ)
(મમતા કામદાર, મુંબઈ)
* 'આઈક્યૂ' વધારવા
શું કરવું?
- ટીવી-ન્યૂસ ન
જોવા.
(મૂકેશ કે. શાહ, અમદાવાદ)
No comments:
Post a Comment