* હનીપ્રિતની ધરપકડ
વિશે શું માનો છો ?
- થેન્ક ગૉડ... એણે હજી સ્ત્રીઓની છેડતીનો કેસ કરી
દીધો નથી.
(જગદીશચંદ્ર, પરમાર, ભરૂચ)
(જગદીશચંદ્ર, પરમાર, ભરૂચ)
* ... 'દુનિયા મેં કિતને ગમ હૈ... મેરે કિતને કમ હૈ'... આ વાક્ય
ઉપર શું કહેવું છે?
- તે હશે... પણ મેરે તો બહુ વધારે હૈં...!
(લલિત ઇન્દ્રવદન દોશી, કરજણ)
(લલિત ઇન્દ્રવદન દોશી, કરજણ)
* નોટબંધીને વર્ષ
પૂરું થઇ ગયું... હવે ?
- વૉટબંધી.
(ભૂપેન્દ્ર બી.પંડયા, જૂનાગઢ)
(ભૂપેન્દ્ર બી.પંડયા, જૂનાગઢ)
* માણસના પૂર્વજ
વાંદરા હતા, પણ વાંદરાના પૂર્વજો કોણ ?
- હું કોઈની પર્સનલ લાઈફમાં માથું નથી મારતો.
(રીયાંશી પી. ભટ્ટ, જૂનાગઢ)
(રીયાંશી પી. ભટ્ટ, જૂનાગઢ)
* પૈસા વધારે
મહત્ત્વના કે સંસ્કાર ?
- મને તો એટલી ખબર છે કે, સંસ્કારથી પૈસા ખરીદી શકાતા નથી.. ને પૈસો હોય તો સંસ્કારને કોણ પૂછે છે ?
(હરદીપગીરી ગોસ્વામી, જૂનાગઢ)
(હરદીપગીરી ગોસ્વામી, જૂનાગઢ)
* કોલેજ કેન્ટીન અને
હોસ્પિટલની કેન્ટીન વચ્ચે શું ફર્ક ?
- પેમેન્ટનો ! હોસ્પિટલની કેન્ટીનનાં બિલો ચૂકવીને
હોસ્પિટલમાં દાખલ થવું પડે છે.
(મૂકેશ ચોરડીયા, સુરત)
(મૂકેશ ચોરડીયા, સુરત)
* તમને ભગવાન
રસ્તામાં મળે તો શું માંગો ?
- એમનો મોબાઈલ નંબર...!
(મીના ચૌહાણ, અમરેલી)
(મીના ચૌહાણ, અમરેલી)
* આપણા દેશમાં હિંદુ, મુસલમાન, કિશ્ચિયન
કે શિખ્ખો છે... એમાંથી ભારતીય કોણ ?
- બધા
(ભરત જે. વાધેલા, મંડાલી- મહેસાણા)
(ભરત જે. વાધેલા, મંડાલી- મહેસાણા)
* આજકાલ તમે પણ દાઢી
વધારો છો, એ વાત સાચી ?
- ના. મારે તો કાળી આવે છે.
(પુરંજય જોશીપુરા, અમદાવાદ)
(પુરંજય જોશીપુરા, અમદાવાદ)
* ડેરાના રામ- રહિમ
અને 'પ્લેબોય'ના હ્યૂ
હેફનર વચ્ચે શું તફાવત ?
- બન્નેમાં આપણે જોઈને રાજી થવાનું !
(રોહિત દરજી, હિમતનગર)
(રોહિત દરજી, હિમતનગર)
* પેટ્રોલના ભાવ...
- સાઇકલ લઈ આવો.
(મિહિર ગજેરા, સુરત)
(મિહિર ગજેરા, સુરત)
* હાથ ઊંચા કરીકરીને
બોલેલું જૂઠ્ઠું કેટલું ચાલે ?
- બસ. આપણી આઝાદીને ૭૦ વર્ષ થયાં.
(અ.રહેમાન બોગલ, ગોધરા)
(અ.રહેમાન બોગલ, ગોધરા)
* ભારતમાં દિવાળી, હોળી કે ઉત્તરાયણની ઉજવણીઓ ઉપર જ પ્રતિબંધ... ?
- દેશમાં બધા વૈષ્ણવ છે, પટેલ છે, બ્રાહ્મણ
છે... હિંદુ ક્યાં છે ?
(દીપ્તિ ચેતન દવે, અમદાવાદ)
(દીપ્તિ ચેતન દવે, અમદાવાદ)
* તમને જવાબો આપવાના
પૈસા મળે છે, તો અમને સવાલ પૂછવાના કેમ નહિ ?
- આપણા દેશમાં સવાલો ઊભા કરનારા સવા-સો કરોડ છે...
જવાબ આપનાર એક જ !
(નિકુંજ ભટ્ટ, ભાવનગર)
(નિકુંજ ભટ્ટ, ભાવનગર)
* તમને નથી લાગતું, સવાલ સાથે અમારા ફોટા ય મૂકવા જોઈએ ?
- વાચકોને એમ ને એમ હસવા દો ને.. !
(મીરા ગોહેલ, ભાવનગર)
(મીરા ગોહેલ, ભાવનગર)
* 'એનકાઉન્ટર' માં
તમારે મને સવાલ પૂછવાનો હોય તો કયો પૂછો ?
- 'હવે મટી ગયું ?
(દેવ શુકલ, ભાવનગર)
(દેવ શુકલ, ભાવનગર)
* ગુજરાતમાં દારૂબંધી
ક્યાં છે ? એક ગામ તો બતાવો !
- જે ગામમાં હોય, ત્યાં
કોઈ જાય ખરું ?
(કિરીટગીરી ગોસાઈ, ખેરવા- મહેસાણા)
(કિરીટગીરી ગોસાઈ, ખેરવા- મહેસાણા)
* ચીનમાં સિંહોનાં
નાક કેવાં હશે ?
- અડી આવો.
(સ્મિત આચાર્ય, અમદાવાદ)
(સ્મિત આચાર્ય, અમદાવાદ)
* ફૂટબોલનો 'ફિફા વર્લ્ડ કપ... અન્ડર-૧૭ હોય છે, પણ અન્ડર-૧૯ કેમ નહિ ?
- 'સ્વિટ- સૅવન્ટીન સારું લાગે... 'નવર્સ- નાઈનટીન નહિ !
(મૂકેશ કે. શાહ, અમદાવાદ )
(મૂકેશ કે. શાહ, અમદાવાદ )
* પોપટલાલનાં લગ્ન
થશે ?
- ચાંદલો કરવો પડે, એવો કોઈ
પ્રસંગ મને ગમતો નથી.
(વિશાલ કુમાવત, નવસારી)
(વિશાલ કુમાવત, નવસારી)
* અમદાવાદની
ટ્રાફિક- સેન્સ ઉધારવા કોઈ ઉપાય ?
- નવી મુંબઈ કે નવી દિલ્હીની માફક 'નવું અમદાવાદ' આકાર
લેશે.
(તપન ખત્રી, અમદાવાદ )
(તપન ખત્રી, અમદાવાદ )
* તમને જવાબો આપવાની
શું ફીલિંગ થાય ?
- એ જ કે, આનો
જવાબ શું આપવો !
(રાકેશ રાઠોડ, કુકસવાડા, માળિયા- હાટિના)
(રાકેશ રાઠોડ, કુકસવાડા, માળિયા- હાટિના)
* આજકાલ કેજરીવાલનું
મોંઢું બંધ છે ને રાહુલબાબાનું ખૂલ્યું છે...
- કેજરી કરતાં રાહુલ વધુ સેન્સિબલ તો છે !
(અમિત શર્મા, આણંદ)
(અમિત શર્મા, આણંદ)
No comments:
Post a Comment