* બહુ મોંઘી કારના
માલિકો સમાજને શું સંદેશો આપે છે ?
- એ જ કે, અમારી
સમૃધ્ધિ ફક્ત 'બુગાટી' ખરીદવા
પૂરતી જ છે. (આ 'બુગાટી' રૂ.
૧૨-કરોડની આવે છે, જેમાં પહેલું ઑઇલ બદલવાના જ રૂ. ૨૧-લાખ થાય છે.) 'દુબાઇ'માં આ
કાર પોલીસો વાપરે છે.
(દિલીપ એસ. પ્રજાપતિ, અમદાવાદ)
(દિલીપ એસ. પ્રજાપતિ, અમદાવાદ)
* 'ગુરૂ પૂર્ણિમા'ના
પર્વે તમારા ચેલાઓ તરફથી શું શું ગિફ્ટ્સ મળી ?
- ઘણા ચેલાઓ પોતાના બાળકો રમાડવા મૂકી ગયા છે...
હજી પાછા લેવા આવ્યા નથી.
(કમલ ધોળકીયા, સુરેન્દ્રનગર)
(કમલ ધોળકીયા, સુરેન્દ્રનગર)
* શું તમે
અક્ષયકુમારની ફિલ્મ 'પૅડમેન' જોઈ ?
- ના. પણ અજય દેવગણની બેહતરીન ફિલ્મ 'રૅઇડ' જોઇ.
સહુએ જોવા જેવી ફિલ્મ છે.
(પૃથ્વીરાજ કોરડીયા, અમદાવાદ)
(પૃથ્વીરાજ કોરડીયા, અમદાવાદ)
* કોઇ વાર કૂતરૂં
પાછળ પડે તો શું કરો ?
- એ શું કરવા માંગે છે, એ જોવા ઊભો ન રહું.
(નીલ કાલરીયા, જૂનાગઢ)
(નીલ કાલરીયા, જૂનાગઢ)
* દવે સાહેબ. વંદે
માતરમ. અને જયહિંદ.
- તમે ખૂબ ગમી ગયા.
(મહેશ એમ. પરમાર, અમદાવાદ)
(મહેશ એમ. પરમાર, અમદાવાદ)
* આજના સમયે 'મેરા ભારત મહાન' કેવી
રીતે કહેવું ?
- આજથી હજારો વર્ષ પહેલા ય કહેવાતું અને હજારો વર્ષ
પછી ય કહેવાશે, 'મેરા ભારત મહાન'.
(ચેતન પટેલ, નાસિક)
(ચેતન પટેલ, નાસિક)
* જો ઉત્ક્રાંતિવાદ
પાછો આવે તો માણસ આદિમાનવ બને ખરો ?
- તમે બહુ કંટાળ્યા લાગો છો...
(જગજીવન મેતલીયા, ભાવનગર)
(જગજીવન મેતલીયા, ભાવનગર)
* પ્રિયા પ્રકાશની
જેમ તમને કોઇએ આંખ મારી છે ?
- કોઇ હાથ તો અડાડે..! આઈ મીન, કોઇ આંખ તો અડાડે...!!
(ડૉ. નીલેશ ત્રિપાઠી, અમદાવાદ)
(ડૉ. નીલેશ ત્રિપાઠી, અમદાવાદ)
* બ્લડ-ગ્રૂપ
પ્રમાણે લોહીના રંગ અલગ અલગ હોત તો ?
- તો ભારતીયોમાં ત્રણ રંગોનું લોહી મળત...કેસરી, સફેદ અને લીલો.
(જીતેન્દ્ર કેલા, મોરબી)
(જીતેન્દ્ર કેલા, મોરબી)
* મોંઘવારી ઘટાડવા
સરકારે શું કરવું જોઈએ ?
- મોંઘવારી કેવળ ભારતમાં જ નથી... સર્વત્ર છે, દસે દિશામાં છે. સૂચનો બધા પાસે છે, ઉપાય કોઇની પાસે નથી.
(મહેશ ધાબલીયા, મુંબઇ)
(મહેશ ધાબલીયા, મુંબઇ)
* જે રોડ ઉપર કોઇ
બૅન્ક હોય, ત્યાંથી પસાર થતા બીક લાગે છે... શું કરવું ?
- શક્ય હોય તો તમારી અટક માલ્યા, મોદી કે ચોક્સી રાખી દેવી.
(મહેશ સી. પટેલ, અમદાવાદ)
(મહેશ સી. પટેલ, અમદાવાદ)
* તમારા ગુજરાતી
પૅપરમાં ઘણી કૉલમોના નામ ઇંગ્લિશમાં છે, 'ઍનકાઉન્ટર,સ્પેકટ્રોમીટર, હોરાઇઝન'... આવું કેમ ?
- ઈઝ ધૅટ સો...???
(આશા મહેતા, વડોદરા)
(આશા મહેતા, વડોદરા)
* તમે અને મોદી
આપવડાઈ કરવાનું ક્યારે છોડશો ?
- ખોટી લઘુતાગ્રંથિ રાખો છો....ગ્રો અપ, મૅન !
(હિતેશ પારેખ, વાપી)
(હિતેશ પારેખ, વાપી)
* ઘણા પુરૂષ પત્નીથી
કેમ ડરે છે ?
- તમે ભાંગી ન પડતા. અમારા બધાની જેમ હિંમત રાખજો.
(કેતન ફળદુ, રાજકોટ)
(કેતન ફળદુ, રાજકોટ)
* તમને અત્યાર
સુધીનો વાહિયાત સવાલ કયો લાગ્યો ?
- તમે તો ઇન્ટેલિજન્ટ સવાલ પૂછ્યો છે...
(ધવલ પોન્ડા, ભાવનગર)
(ધવલ પોન્ડા, ભાવનગર)
* 'વૉટ્સઍપ'થી
ક્યારે સવાલ પૂછાશે ?
- તમે તો રીક્ષામાં જતા હો, ત્યારે પણ પૂછી શકો.
(વૉલ્શ ક્રિશ્ચિયન, મેહમદાવાદ)
(વૉલ્શ ક્રિશ્ચિયન, મેહમદાવાદ)
* તમે ચીફ
મિનિસ્ટરના ભાઇ છો, એવી ખબર પડે તો ?
- બસ. પછી તો ચીફ મિનિસ્ટરને ખબર પડવી જોઈએ.
(દીક્ષિત પટેલ, વડોદરા)
(દીક્ષિત પટેલ, વડોદરા)
* ખોટું બોલવું
સાચું કે સાચું બોલવું ખોટું ?
- તમે અત્યારે સાચું બોલ્યા.
(અજય જોશી, નાસિક)
(અજય જોશી, નાસિક)
* તમારા જવાબો પરથી
છેલ્લા કેટલાક સમયથી લાગે છે કે, તમને ય હવે મોદી પર
ભરોસો રહ્યો નથી !
- જ્યાં સુધી ભારતના વડાપ્રધાન બનવા માટે બીજો કોઇ
લાયક માણસ નહિ મળે, ત્યાં સુધી મોદી
એમના સ્થાને બરોબર
છે.
(નીતિન પટેલ, અમદાવાદ)
(નીતિન પટેલ, અમદાવાદ)
* અનામત મુદ્દે કેમ
કોઇ પણ પક્ષ કાંઇ બોલતો નથી ?
- તમે મતદાર હો તો અત્યારથી નક્કી કરી લો, આવતી લોકસભાની ચુંટણીમાં ભાજપ-કૉંગ્રેસની શું
હાલત કરવી !
(પ્રભુતા રાકેશ પંડયા, સુરત)
(પ્રભુતા રાકેશ પંડયા, સુરત)
* બૅન્કમાંથી અબજો રૂપિયાની
લોન લઇને પરદેશ રફુચક્કર થઇ જવાનો કોઇ ઉપાય...?
- હું લંડન પહોંચું, પછી મને
ફોન કરજો.
(સાબિર દાહોદવાલા, પેટલાદ)
(સાબિર દાહોદવાલા, પેટલાદ)
* હમણાંથી દીકરીના
જન્મનું પ્રમાણ ઘટી રહ્યું છે...
- અમારે તો સરકારી-સૅટ પૂરો થઈ ગયો !
(મનિષ રામાવત, દ્વારકા)
(મનિષ રામાવત, દ્વારકા)
* દેશમાં 'નીરવ' શાંતિ
ક્યારે સ્થપાશે ?
- જ્યારે કોઇ મેહૂલનો માલ્યા.... આઇ મીન, વિજય થશે !
(ફિરોઝ હાફેઝી, બિલિમોરા)
(ફિરોઝ હાફેઝી, બિલિમોરા)
No comments:
Post a Comment